Директорот на Фондот за иновации, Јован Деспотовски на социјалните мрежи сподели фотографија додека сече торта, по повод 15.000 лајкови на фејсбук страната на Фондот.
„Вкусно изненадување од колегите минатата недела. Затоа што 15.000 лајкови на страната на Фонд за иновации и технолошки развој не се бројка, туку преземена обврска постојано да се подобруваме во нашата работа и заеднички да изградиме иновативно и економски развиено општество. Ви благодарам“, напиша Деспотовски во описот на фотографијата.