Фон дер Лајен во Македонија на 28 септември

Од:

Од дипломатските служби во Брисел потврдуваат дека претседателката на Европската комисија Урсула фон дер Лајен ќе ја посети и Северна Македонија до крајот на овој месец.

Според првичните информации, претседателката ќе ја посети Северна Македонија на 28 септември, на ист ден со Албанија, на 29-ти таа ќе отпатува за Косово и Црна Гора, а посетата ќе ја заокружи на 30-ти со Србија и Босна и Херцеговина

Шефицата на Европската комисија, Урсула фон дер Лајен, денеска од Стразбур најави дека до крајот на овој месец ќе го посети Западниот Балкан со цел да донесе силна порака на поддршка за приклучување на регионот кон Европската Унија.

Од Европската комисија потврдија дека претседателката ќе ги посети сите шест земји од регионот вклучително и Северна Македонија.

Како што објаснуваат изворите, во Брисел посетата сѐ уште се подготвува и нема детали за програмата за сега.

Претседателката оваа посета ја организира една недела пред Самитот ЕУ-Западен Балкан кој ќе се одржи на почетокот на октомври во Брдо, Словенија и чија цел е да се потврди поддршката на ЕУ за регионот како што тоа беше случај со самитот во Софија, а потоа и во Загреб, под бугарско, односно хрватско претседателство.

– Овој самит ќе биде важна прилика не само да се потврди европската перспектива за Западен Балкан и нивната натамошна интеграција, туку и да се даде дополнителен поттик за имплементацијата на Економскиот и инвестициски план, кој е срцето на нашиот ангажман со регионот, изјавија од Европската комисија.

Би можело да ве интересира

Путин: Ако Русија ги напушти Советот на Европа или ОБСЕ, би можеле да следат и други земји

А1он

Анже Логар пред ЕП: Патот на земјите од Западен Балкан кон ЕУ нема да биде автопат, туку мал пат со многу кривини

А1он

Во Брисел почнува дводневен самит на ЕУ – главни теми се Полска и цените на енергијата

А1он

Редовен октомвриски самит на лидерите од ЕУ

Ана Ололовска

Димитров: Подобро да сме изненадени од добра вест, бидејќи имаме доволно искуство од разочарувања

А1он

Џачка: Албанија заслужува и треба да седне на преговарачка маса со ЕУ оваа година

А1он