Неделникот „Фокус“ објави како е подготвувана „бомбата“ на Зоран Заев. „Фокус“ пишува дека материјалите со прислушкувани и снимени комуникации на власта, во кои, како што тврди Заев, има докази за криминал, корупција и местени избори, не се од странски служби, како што во јавноста сака да претстави премиерот Груевски, туку се од македонски граѓани, инсајдери во МВР.
Неофицијално петмина припадници на безбедносните служби во МВР, задолжени за следење на комуникациите му откажале послушност на врвот на полицијата, бидејќи оцениле дека се претерало во следењето.
Ги архивирале голем дел од прислушкуваните информации кои стигнале до Заев. Тие документи, пишува „Фокус“ се дел од информативната „бомба“ на Заев со докази освен за криминал, корупција и фалсификувани избори, за сообраќајката на Никола Младенов, за прислушкување на амбасади и скандалозни разговори меѓу Груевски, Јанкулоска и Ставрески.