Градоначалникот на општина Валандово, Перо Костадинов, заедно со Сафет Ватиќ, претставник на фирмата „ВАТО ДОО – Студеничани“, која е обвинета во случајот „Труст“ на специјалното јавно обвинителство, потпишаа договор за реконструкција на дел од булеварот на улицата Првомајска во Валандово.
„Целта на договорот е поправка на оштетениот дел од булеварот и овозможување поголема безбедност за сообраќајните учесници“, напиша на „Фесјбук“ градоначалникот на општината. Средствата ги обезбеди Европската Унија преку ИПА претпристапните фондови.
Следниот месец се закажни завршните зборови во случајот „Труст“, каде што фирмата „ВАТО ДОО“ е обвинета за „злоупотреба на постапката за јавен повик“.
Васко Маглешов