Министерот за правда Игор Филков им го честита 3 Мај – Светскиот ден на слободата на медиумите на сите новинари, сниматели, фоторепортери, монтажери и медиумски работници.
– Слободата на медиумите е основа на секое демократско општество. Без неа – нема вистина, нема правда, нема одговорност. Денес, на Светскиот ден на слободата на медиумите, ја потврдувам мојата цврста заложба да ги штитиме новинарите, да обезбедиме безбедна средина за независно известување и да не дозволиме притисоци врз медиумите, истакнува Филков.
Министерството за правда, како што посочува во честитката, останува посветено на создавање услови за слободно, професионално и одговорно новинарство.
-Преку законските измени за граѓанска одговорност за навреда и клевета, гарантираме поголема правна заштита и простор за слободно изразување – без страв и притисоци. Кога медиумите се слободни, граѓаните се информирани, а правдата е погласна. Овој ден нека биде потсетник за заедничката одговорност што ја имаме во заштита на медиумските слободи, истакнува министерот Филков.
