Филипче: Заштитните мерки кои се во Собранието мора итно да се усвојат

Од:

Министерот за здравство Венко Филипче изјави дека мерките за заштита од ковид-19, кои се во собраниска процедура, мора итно да се донесат.

„Пратениците да покажат одговорност и што поскоро едногласно да се изгласаат двата пакети на мерки за заштита на населението и спречување на понатамошно ширење на вирусот. Барам сите сложно да испратиме порака на единство околу важноста за почитување на мерките. Тие се целосно издржани, базирани на анализите на Институтот за јавно здравје и на меѓународните искуства. Исти или слични мерки во моментов веќе се на сила во сите европски држави“, потенцира Филипче.

Министерот вели дека нема повеќе време за одлагање, бидејќи состојбата со вирусот е сериозна.

„Истовремено им порачувам на граѓаните дека и постоечките мерки и препораки се во интерес на заштита на нивното здравје и мора доследно да се почитуваат. Болниците се полнат и сите треба да сме свесни дека од секој од нас зависи како ќе ја надминеме состојбата. Следат ризичните есенски и зимски месеци и барам високо ниво на свест и почит кон трудот на здравствените работници“, посочува Филипче.

Би можело да ве интересира

Филипче од Прилеп: ДПМНЕ го понижи трудот на работниците

А1он

СДСМ: Креариан е лажен профил на Венко Филипче на Фејсбук, граѓаните да не наседнуваат

Филипче: Ги осудувам иредентистичките изјави на Костадинов, очекувам реакција од официјална Софија и ЕУ

(ВИДЕО) Филипче: Заедно државата и општество да ги направиме подобро место за живеење

Филипче: Да ја продолжиме визијата на Глигоров за напредна и демократска Македонија

СДСМ нуди државна стратегија за долгорочен развој на земјата