Филипче не кажува колку пари се кинеските вакцини, договорот го обврзувал на тајност

Од:

Министерот за здравство Венко Филипче не кажува колку пари чинат кинеските вакцини за кои денес извести дека го потпишал договорот. Македонија од кинеската национална фармацевтска група „Синофарм“ набавува 200.000 дози од вакцината за заштита од Ковид – 19. Покрај цената, министерот Филипче, не го кажа ниту точниот датум кога се очекува да пристигнат вакцините, но уверува дека тоа ќе биде во февруари. Извесно е и дека вакцините ќе се пренесуваат авионски и дека ќе стигнат на скопскиот аеродром.

Од Министерството за здравство молкот на министерот за цената на вакцините го оправдуваат со обврски од договорот.

„Во сите договори со производителите, Министерството за здравство ја почитува одредбата од договорот за тајност и според глобалната политика на сите компании за производство на вакцини податоците кои ги содржат остануваат доверливи“, велат од Министерството за здравство.

Точниот датум за испорака на вакцините, како што објаснуваат од Министерството, ќе се утврдува во следните денови.

Кинеската национална фармацевтска група „Синофарм“ во август минатата година, кога се тестираше вакцината, соопшти дека двете дози од вакцината не би требало да чинат повеќе од 1.000 јуани, односно 148 американски долари, н истовремено претставници на кинеската Национална здравствена комисија најавија можност оваа првична цена да падне и вакцината да чини помалку.

Министерството не ги кажа ниту цените на останатите вакцини кои се набавуваат, а кои се очекува да почнат да стигнуваат од март. Во директни преговори со „Фајзер“ се договара набавка на 800.000 дози од нивната вакцина, а преку Ковакс – системот место 830.000 дози од „Фајзер“ во март ќе почнат да стигнуваат вакцини на „Астразенека“ кои не се препорачуваат за лица над 65 години поради недоволните податоци за ефикасноста кај оваа категорија луѓе.

Би можело да ве интересира

(ВИДЕО) Филипче за случајот АНБ: Наместо лов на вештерки, темелна истрага и декласификација

Немам добиено никаков документ, вели Мицкоски за предлогот на Филипче:

Горан Наумовски

Преговорите со ЕУ не може да се блокирани кога не се ниту почнати благодарение на СДСМ и на ДУИ, реагира Муцунски

Катерина Ѓуровски

Филипче: Очигледно е дека се конзистентни во тоа да нема преговори со ЕУ, а ние тоа нема да го дозволиме

Катерина Ѓуровски

Муцунски: Филипче од една страна зборува за уставни измени, од друга за откажување од преговорите ако има ново вето

Филипче: Потребен е државнички пристап за евроинтеграциите, Мицкоски одбива секаков предлог