Филипче ќе преговара „Торлак“ да стане наш стратешки партнер за набавка на вакцини

Од:

Следната недела Министерството за здравство ќе преговара за српскиот Институт за вирусологија, вакцини и серуми „Торлак“ да стане наш стратешки партнер за набавка на вакцини. Иако во моментов нема да се прават нови нарачки на вакцини, партнерството е за да се обезбеди извор на вакцини доколку за тоа се појави потреба.

„Во вторник заедно со претставници од Министерството за здравство одиме во официјална посета на Белград. Ќе се сретнеме со министерот Лончар и со директорката на Институтот ’Торлак’.Ќе разговараме и за некаков стратешки план за набавка на вакцини од Институтот ’Торлак’. Во овој момент не ни се потребни, но гледаме како се одвива работата со пандемијата. Има разни најави. Не можеме да претпоставиме како ќе се одвива и сметам дека е најлогично решение Институтот ’Торлак’ да ни биде стратешки партнер во делот на набавка на вакцините понатаму, кога ќе треба согласно тоа како ќе се одвива пандемијата“, рече министерот Филипче.

Српскиот Институт „Торлак“ во средата почна да ја произведува руската вакцина „спутник В“.

Министерот Филипче вчера извести дека, засега, нови количини вакцини нема да се набавуваат оти е договорена набавка на 2,6 милиони дози од различни производители одговарајќи на новинарско прашање дали се преговара за нова набавка со „Торлак“.

На состанокот во Белград, министерот Филипче рече дека ќе разговараат и теми во делот на соработката која ја имаат надвор од прашањето за вакцините како што е доажањето нивни експерти кај нас во делот на гинекологијата, неонатологијата како и во делот на кардиохирургијата.

Би можело да ве интересира

ВИДЕО: Повторно забави во скопски клубови, со гужви, играње, без маски и дистанца

Ландов

112 нови случаи на Ковид-19, починати се 13 лица

Ана Ололовска

И вакцинацијата на стопанствениците по приоритет

Ана Ололовска

Подготвуваат испити и волонтираат: студентите на штипскиот Медицински факултет вклучени во вакцинацијата

Мери Јордановска

Од денеска вакцинација на пациенти со трансплантиран бубрег и оние кои одат на дијализа

Ана Ололовска

Вучиќ: Граѓаните на Македонија, БиХ и Црна Гора наскоро ќе можат да се вакцинираат во Србија

Ана Ололовска