Филипче: Имаме одговорност да им оставиме на младите генерации европска држава

Од:

Министерот за здравство, Венко Филипче, денеска беше во посета на општините Струга и Вевчани.

dobivaj vesti na viber

За време на посетата Филипче ги посети своите колеги во здравствениот дом и општата болница во Струга, во здравствениот дом во Вевчани, како и во заводот за нефрологија во Струга, каде денеска им го честита јубилејот – 40 години од првата дијализа.

-Во Струга и Вевчани имаме добро организирани здравствени установи, млад и амбициозен кадар и инфраструктура. Со европските фондови, ќе ни се отворат можности за подобрена инфраструктура, градење нови болници, соработка со врвни медицински центри, размена на експертски знаења, односно ќе го донесеме европското здравство во Македонија. Ние како генерација ја имаме честа да им оставиме на младите генерации европска држава. Имаме одговорност пред нив, да им обезбедиме подобар живот, иднина. Договорот е најдобриот влог во нашата иднина, рече Филипче.

Тој додаде дека најмоќните сојузи ги отвораат ширум вратите за нас.

– Време е заеднички да им подадеме рака и на 30-ти септември да си ја обезбедиме картата за влез во НАТО и ЕУ. Бенефитот од овој процес е европско здравство за сите граѓани. Со сето ова ќе ги задржиме и младите лекари во земјава, ќе обезбедиме подобри услови за работа и подобра експертиза во земјава, порача Министерот за здравство на средбите со граѓаните во Струга.

Во Вевчани Филипче ги повика сите граѓани да се приклучат на референдумот и заеднички да ја внесат Македонија во големото европско семејство и НАТО сојузот.

Би можело да ве интересира

Стружани се трујат, власта ги штити загадувачите обвинува Алијанса за Албанците

Џафери не ја добил референдумската иницијатива за францускиот предлог: Ќе ви кажам кога ќе одговорам

Кристијан Ландов

Нема да има референдум, Џафери го одби Мицкоски

Ана Ололовска

Костовски: Референдумот е за личен спас на фотелјата на Мицкоски

Мицкоски: Ковачевски и Пендаровски да не опструираат преку Талат Џафери, референдум мора да има

Катерина Павлова-Николовска

Заев: 75 % од граѓаните се против референдум за договорот со Бугарија, останатите 25 % се вмровци

Маја Илиевска-Пачемска