Пратеникот од ДПА Беким Фазлиу кажа дека без ДУИ, ВМРО-ДПМНЕ нема да може да ги донесе овие закони. Фазлиу ги праша колегите од ДУИ зашто го поддржуваат овој пакет мерки кога во нив нема ниту еден збор за Албанците и наместо да го реформира, го компромитира образовниот и академскиот систем.
– Власта прави притисок врз актерите во образовниот процес. Целта ви е да воспоставите контрола на знаењето. Училиштата и факултетите ќе бидат само објекти, а Владата ќе одлучува кој ќе знае, а кој не. Оваа Влада која има елементарен недостаток на знаење. Со овие закони се прави македонизација на образованието и се понижуваат Албанците. Го уништивте образованието токму вие, со вашите луѓе. Подалеку рацете од образованието – рече Фазлиу.