Од Министерството за внатрешни работи информираат дека се приведени тројца осомничени крадци од скопско.
„Денеска (12.11.2021) во Скопје, полициски службеници од Полициската станица Гази Баба ги лишиле од слобода С.А.(35) од Скопје, И.И.(29) од Скопје и М.Р.(29) од с.Никиштани, скопско. Тие се сомничат дека ноќта помеѓу 10/11.11.2021 од објект во изградба на ул.„Ташко Караџа“ одзеле повеќе предмети.
Одземените предмети биле пронајдени и вратени на сопственикот, а лицата биле задржани во полициска станица и по целосно документирање на случајот против нив ќе биде поднесена соодветна пријава“, велат од МВР.