Европската унија бара Македонија да се воздржи од издавање државјанства во замена за инвестиции

Од:

Иако Законот за државјанство кај нас дозволување стекнување државјанство од посебен економски интерес без никакви претходни барања за престој, Европската унија е загрижена дека ова може да се злоупотребува и може да претставува ризик за безвизниот режим со Македонија.

Заклучно со октомври 2021 година, 115 физички лица се стекнале со државјанство од економски интерес, што претставува зголемување во однос на 2020 година за осум лица. Овие државјанства се даваат на инвеститорите од странство.

Во четвртиот извештај на ЕУ во рамките на Механизмот за суспензија на визите, Европската комисија вели дека систематското доделување државјанство во замена за инвестиции предизвикува голема загриженост за ЕУ и е зголемен ризик за внатрешната безбедност и јавната политика на земјите-членки.

„Со оглед на фактот дека Законот за државјанство на Северна Македонија дозволува стекнување државјанство од посебен економски интерес без никакви претходни услови за престој, како и бројот на вкупни и успешни апликанти, миграциските и безбедносните ризици што тоа може да ги предизвика за ЕУ внимателно се следи. Комисијата ги предочи овие ризици на Северна Македонија.

Систематското доделување државјанство во замена за инвестиции предизвикува голема загриженост за ЕУ и може да има влијание врз безвизниот режим бидејќи може да се користи за да се заобиколи процедурата за виза за краток престој и длабинската проценка на индивидуалните миграциски и безбедносни ризици повлекува. Комисијата смета дека, доколку се смета дека спроведувањето на овој закон претставува зголемен ризик за внатрешната безбедност и јавната политика на земјите-членки, безвизниот режим може да биде суспендиран“, стои во Извештајот.

Комисијата во извештајот препорача Македонија да се воздржи од овозможување на систематско стекнување државјанство од посебен економски интерес.

Би можело да ве интересира

Ахмети: Александар Дугин, главата на руските политики има партија во Македонија

Нови промени за сообраќајните казни во ЕУ: Никој веќе нема да може да ги избегне

ЕУ постигна привремена спогодба за нови правила за трговија со огнено оружје

СДСМ: ЕУ е единствен патоказ за подобра македонска иднина

А1он

Европската Комисија ќе обезбеди општи рамковни услови за почеток на преговорите со Украина за пристапување во ЕУ

ЕУ за А1он: Измените на Законот за игри на среќа не упатуваат ниту на ограниченото европското законодавство

Александар Тодески