Еврејската заедница во Македонија и Фондот на холокаустот на Евреите во Македонија денеска ќе го одбележат комеморативниот ден Јом Ашоа.
Националниот комеморативен ден на холокаустот и херојството на државата Израел се одбележува во сеќавање на востанието на Евреите во варшавското гето во 1943 година и е комеморативен ден на шест милиони Евреи убиени во холокаустот.
Комеморацијата ќе се одбележи на пладне во Меморијалниот центар на холокаустот на Евреите од Македонија, во некогашното еврејско маало. Ќе бидат запалени шест меморијални свеќи и ќе биде отворање детска изложба во соработка со Министерството за образование и наука на тема „Холокаустот низ призмата на детските очи“.