Емил Димитриев „извиси“, откако побара некои членови да одморат

Од:

Досегашниот генерален секратар на ВМРО-ДПМНЕ, Емил Димитриев остана и без функцијата генерален секретар на ВМРО-ДПМНЕ, а повеќе не е ниту член на Извршниот комитет. Нов генерален секретар на партијата е директорот на ЕЛЕМ, Христијан Мицковски.

Токму Димитриев во интервју за Макафакс оваа недела кажа дека во партијата е неопходно освежување и ги најави промените во ИК.

-Јас лично поддржувам освежување во партијата со кадри што заслужуваат да им се даде шанса. Знаете, ВМРО-ДПМНЕ е партија која долго е на власт, има луѓе што десетина години беа министри, тие веќе се изморени и треба да одморат. Партијата е жива материја која одвреме-навреме треба да се освежува за да ги подобри своите перформанси,“ рече Димитриев.

Тој не се најде на листата на членови кои остануваат во Извршниот комитет, како што се Илија Димовски, Антонијо Милошоски, Влатко Ѓорчев, Коце Трајановски, Никола Попоски, Никола Тодоров, Даниела Рангелова, Владимир Нелоски, Нермин Теловска и Зоран Савевски.

Во новиот Извршен комитет го нема ниту Мартин Протогер, Миле Јанакиески, Зоран Ставревски, Владимир Пешевски, Гордана Јанкулоска. Во новиот состав очекувано, не е ниту Сашо Мијалков кој самиот донесе одлука да ги замрзне сите функции во партијата се до завршувањето на судските случаи кои против него ги поведе СЈО.

Листата на нови имиња во ИК на ВМРО-ДПМНЕ е креирана со цел да им се даде на тежина на некои од новите членови за кои е испланирано да бидат кандидати на претстојните локални избори.

Би можело да ве интересира

Митрески: Бидејќи секој наш предлог се одбива, СДСМ поднесе 12 закони од изборните ветувања на ВМРО-ДПМНЕ

Филипче: Денот по утрото се познава, најлошото допрва доаѓа

ВМРО-ДПМНЕ и партнерите ќе одбележат една година власт пред платото на Владата

Петрушевски: Огромни суми на пари од продажбата на јаглен на ЕСМ завршувале на сметки на фирми на Заев, а кои имаат тесна врска со Филипче

СДСМ обвинува: ВМРО-ДПМНЕ вработува 50 свои луѓе во РЕК Осломеј

Катерина Ѓуровски

СДСМ: Зошто од истрагата е изоставен Томо Донев кој до несреќата повеќе од една година е началник за криминалистички работи во Кочани