Експратеникот Стојкоски можен кандидат за градоначалник на Ѓорче Петров од ВМРО-ДПМНЕ

Од:

Експратеникот Александар Стојкоски е можен кандидат на ВМРО-ДПМНЕ за градоначалник на Ѓорче Петров, дознава „А1он“. Како носител на листата за советници се споменува името на Ленче Нелоска, која има извршувано и високи партиски функции. Имињата на двајцата кандидати со месеци се вртат на партиските анкети, каде неофицијално, уживаат најголема доверба во општината. Крајниот збор за потврда на овие кандидати ќе го има Централниот комитет, откако ќе бидат прецизирани од членовите на Извршниот комитет.

Стојкоски по професија е доктор-специјалист. Тој беше член и на Советот на општината. Претходно, од 2014 година до 2017 година, беше и пратеник на ВМРО-ДПМНЕ во Собранието. Нелоска во дел од истиот период беше директорка на Геронтолошкиот завод Скопје, се до промената на власта во 2017 година.

Засега не се открива со кои кандидати СДСМ ќе бара одново доверба од жителите на Ѓорче Петров. Како кандидати, неофицијално, се споменуваат имињата на актуелниот градоначалник Александар Наумовски, но и на актуелниот пратеник Костадин Ацевски. „А1он“ се обиде да исконтактира со Наумовски за тоа дали се точни информациите дека можно е да бара втор мандат од граѓаните, но тој не одговори на повикот.

Премиерот Зоран Заев пред повеќе од месец и половина кажа дека се во тек анкети кои ќе бидат клучни за одредување на сите градоначалници, вклучително и на тој за Ѓорче Петров. Тогаш, ниту Наумовски не беше сигурен дали одново ќе добие можност да ја бара довербата од граѓаните.

Би можело да ве интересира

(ВИДЕО) Самка Ибраимовски: Доста е да не водат семејни кланови и партиски потрчковци

Орце Костов

Таравари: Mладите се јадрото на населението, иселувањето на младите е државен аларм

А1он

Претседателските кандидати до кампањата не смеат да трошат пари од трансакциската сметка наменета за изборна кампања

Горан Наумовски

Ахмети: Александар Дугин, главата на руските политики има партија во Македонија

Ахмети и Реџепи потпишаа коалиција: „Европскиот фронт“ ќе биде носител на промени, „да“ за ЕУ, „не“ за Русија

Во Русија: Најмалку 74 уапсени за протести за време на претседателските избори