Заев за кандидатот за локални во Ѓорче: Наумоски ми е другар, но прв приоритет е победата

Од:

„Јас не можам да мислам, анкетата е математичка операција“, вака актуелниот градоначалник Александар Наумовски одговори на прашањето дали има поддршка од граѓаните на Ѓорче Петров, за нов мандат. Неговиот одговор доаѓа откако претседателот на СДСМ, Зоран Заев, изјави дека во тек се низа анкети кои ќе бидат клучни за одредување на градоначалници низ целата држава. Заев кажа дека Наумовски, како и другите градоначалници му е другар, но, приоритет е победата.

„Градоначалникот Наумовски, и сите градоначалници и градоначалнички се мои другари. Ние сме социјалдемократи, солидарноста и другарството се важни. Но, прв приоритет се победата. Така победуваат граѓаните. Мораме да направиме анализа. Нашите градоначалници се наши фаворити, бидејќи сами реализираат многу проекти, исто како и со поддршка на граѓаните. Сето ова што е сменет лик на општините и државата е главна причина да даваме поддршка. Но, тоа сме само ние дел од општествениот амбиент“, рече Заев.

Градоначалникот Наумовски е сигурен само дека ВМРО-ДПМНЕ ќе биде поразено во Ѓорче Петров на следните избори во октомври.

„Јас не можам да мислам. Анкетата е математичка операција. Ако се сеќавате јас бев и во 2013 кандидат, кога беше време невреме, кога каде знаете каков беше резултат, беа очигледни неправилностите. Во 2017 година беше направено тоа со анализи, не само на членството туку и граѓаните. И дај Боже да има повеќе кандидати да се споиме и да го поразиме ВМРО-ДПМНЕ, а во тоа сум сигурен“, рече Наумовски.

Би можело да ве интересира

Во Ѓорче Петров отворен парк за миленици

Жарко Настоски

12-годишен штитеник избегал од Домот за деца со воспитни проблеми во Ѓорче

Жарко Настоски

(ВИДЕО) Шилегов: Наумоски не може да се тргне од позицијата основач на „Плоштад слобода“

Наум Локоски

Наумовски: Парите за повисока плата се планирани во случај да се промени законот

Наум Локоски

ВИДЕО: Наумовски си ја зголеми платата, а Ѓорче Петров нема пари за ветените базен и градинка

Наум Локоски

Наумовски: Предлозите на Нимиц се далеку од достоинствено решение

Наум Локоски