Единствена Македонија: НАТО и ЕУ го гарантираат беззаконието на инсталираната власт на Заев во Скопје

Од:

Устата на Зоран Заев е полна со демократија, владеење на правото, европски вредности за одговорност, чесност, моралност. И навистина, во земји – членки на Европската Унијата почесто гледаме како премиери и министри си даваат оставки за најбанални случувања, вели Единствена Македонија преку соопштение.

„Во Македонија владее безаконие, корупција и криминал. Марионетската власт во Скопје подолго време ја тресе скандал со масовни вработувања на членови на семејствата и блиски роднини на функционери, кражба на народни пари од министри, пратеници, владини советници, општински партиски претседатели на СДСМ кои добивале грантови по неколку стотици илјади евра како и тендери на министри во милиони евра.

Најново, на собраниската седница за пратенички прашања Заев призна дека знае и за рекетот што го врши рекетарска група низ Македонија а во која има и високи функционери на СДСМ и дека знае оти неговиот советник кој се фали со врски кај Емануел Макрон не живее во Франција и платата од македонските даночни обврзници во висина од 1.200 евра ја примал во Србија со што го одбегнувал и данокот во Македонија.

За сите овие скандали на власта во Скопје целосен молк и од НАТО и ЕУ за функционирањето на правната држава. Сега е јасно и зошто. НАТО и ЕУ го гарантираат безаконието на инсталираната власт на Заев во Скопје, а која за возврат послушно ги спроведува нивните погубни политики за рушење на Македонија и Македонците.

Единствена Македонија го прашува премиерот и министер во обид Зоран Заев, ако сите овие скандали на власта не се доволни барем за негова морална оставка, тогаш, што е морал за Заев и што уште треба да се случи за да поднесе оставка?“, наведува партијата во соопштението.

Би можело да ве интересира

Заев: Соработката со Русија не значи алтернатива за ЕУ и НАТО

Ана Ололовска

Заев ќе разговара со Мицотакис за Преспанскиот договор, НАТО и ЕУ

Ана Ололовска

Заев во Солун на средби со Мицотакис и со грчки бизнисмени

Ана Ололовска

Заев се сретна со шефицата на мисијата на ММФ: Силен економски контекст за развој

Ана Ололовска

(ВИДЕО) Заев-Мас: Позитивна одлука во скорешна временска рамка за да се овозможи европскиот пат на Северна Македонија

Ана Ололовска

Заев: Шпанија имаше успешни избори, ратификацијата да заврши до крај на јануари и РСМ навремено да стане членка на НАТО

Ана Ололовска