Талат Џафери, претседателот на македонското Собрание денеска во Вашингтон се сретна со претседателот на Парламентарната група на владејачката партија ГЕРБ во бугарското Собрание и заменик-претседател на партијата Цветан Цветанов.
Тие разговарале за време на политичките консултации пред официјалниот дел на Парламентарниот безбедносен форум. За време на средбата Цветанов го запознал Џафери со парламентарната димензија на претстојното европско претседателство на Бугарија. Тој посочил на важноста што Бугарија ја дава на европската перспектива на земјите од Западен Балкан.
Цветанов го информирал Џафери и за ратификацијата на Договорот со Македонија од страна на бугарскиот парламент, а македонскиот претседател на Собранието го уверил дека таквата процедура е почната и во Македонија.
– Нашите деца ќе живеат како пријатели и неа ќе се гордееме со тоа, изјавил Џафери.
За време на состанокот тие двајца разговарале за различни регионални иницијативи, потенцирајќи ја потребата за развивање на различни инфраструктурни проекти.