Претседателот на Собранието, Талат Џафери нема да оди да го чествува Илинден на Мечкин Камен на 2 Август, вели за „А1он“, иако шефот на државата Стево Пендаровски изјави дека го очекува да присуствува на манифестацијата.
Џафери вели дека има други обврски, а наместо него, претставник на Собранието ќе биде потпретседателот на Собранието, Фадил Зендели.
„Планирам да биде Фаил Зендели. Јас имам други обврски во Скопје. Нема да успеам да стигнам, имам некои приватни обврски во текот на денот“, вели Џафери за „А1он“.
Лидерот на ДУИ, Али Ахмети, за првпат ќе го чествува Илинден на 2 Август на Мечкин Камен. Според Пендаровски, тој и премиерот Зоран Заев го потврдиле присуството. Пендаровски рече дека на прославата во Крушево го очекува и лидерот на ВМРО-ДПМНЕ, Христијан Мицкоски.