Пратениците на Левица поднесоа Предлог-Декларација за солидарност со палестинскиот народ и осуда на израелската окупација, но Талат Џафери не го стави на гласање затоа што материјалот не бил преведен.
– Сметаме дека не треба да бидеме ноеви и да си ја пикаме главата во песок и да не преговориме за најжешката точка на планетата во овој момент и каде што пред наши очи ни се случува геноцид во Газа. Како што кажа портпаролот на УНИЦЕФ Газа стана гробница на илјадници дечиња и таа е жив пекол на земјата. Бомбите кои се фрлени врз Газа за само две недели за 1,5 пати ја надминаа ударната моќ на нуклеарната бомба фрлена врз Хирошима.
Газа е голема колку Скопје, 40 км на 6 км а секојдневно е бомбардирана од гранати брз население од 2,2 милиони жители. Видовме во овој парламент како се леат крокодолски солзи за Украина каде што загинаа 200 деца за две години, а во Газа 5.000 дечиња за две недели. Газа станува и гробница на човечноста. Го повикуваме и претседателот Пендаровски да го отповика итно амбасадор на Макеонија во ООН затоа што гласаше воздржано за резолуцијата за хуманитарно примирје во Газа – рече лидерот на Левица, Димитар Апасиев.
Во Декларацијата составена од девет точки, која се темели на неколку меѓународни акти и резолуции на Обединетите Нации, меѓудругото се бара осуда на воените злосторства врз палестинските цивили извршени од страна на безбедносните сили на Израел и осуда на политиките на апартхејт имплементирани врз палестинскиот народ.
Во Декларацијата се бара од Владата да ја признае независната држава Палестина и да воспостави дипломатски односи на ниво на амбасади.