Џафер и Арсовска се скараа кој е надлежен да се искоси тревата во дворот на Владата

Од:

Техничкиот премиер Талат Џафери одговарајќи на новинарско прашање во врска со тоа кој дозволи Владата да обрасне со висока трева рече дека тоа е слика која не треба да види никој, но додаде дека тоа е во надлежност на Градот Скопје и градоначалничката Данела Арсовска. Џафери посочи дека тие се незадоволни од неработењето на оваа институција, а од Арсовска незадоволни се и граѓаните што го покажаа резултатите на парламентарните избори.

„Ова не е слика што треба да ја имаме за Владата, но тревата е во надлежност на Град Скопје. Ние не сме задоволни од тоа што дворот е неуреден, но Владата не може да одвои средства за тоа бидејќи тоа не е во наша надлежност. А за Град Скопје и за градоначалничката одговор дадоа и граѓаните, а тоа го покажаа резултатите од нејзината партија во што секако се гледа незадоволството и на граѓаните“, одговори Џафери.

Арсовска со нејзината партија Нова Алтернатива, на вчерашните парламентарни избори освои вкупно 3.438 гласови. Во ИЕ 1 каде што Арсовска беше носителка и ги вклучува сите скопски општини, освои само 1.571 глас, а во ИЕ 2 каде што беа скопските општини Ѓорче Петров и Сарај, таа доби 1.109 гласови.

По оваа изјава, реакција стигна од Арсовска која му порача на Џафери да не манипулира, туку да склучи договор со ЈП „Паркови и зеленило“ ако сака ова претпријатие да му ја искоси тревата.

„На денешната прес конференција во Влада, ВД премиерот Талат Џафери избегнува одговорност и манипулира со некакви процедури само за него познати, лажејќи дека сопственост и надлежност на Град Скопје и ЈП “Паркови и зеленило“ било да се грижи за зеленилото во Влада.

Талат Џафери ако до сега не знае дека сам треба да си го уреди сопствениот двор, таа лекција ни денес нема да ја научи сигурно. Од ВД премиерот од Форино, што кога излегува од дома до Влада ги гаси попатно сите семафори и прави хаос низ градот, не е ни очекувано дека би требало да знае што е негова обврска, тој само знае какви бенефиции може да искористува.

ЈП “Паркови и зеленило” ги одржува градските булевари и паркови површини кои се надлежност на претпријатието согласно Закон, а ако сака ВД премиерот Талат од Форино да ги ангажира да работат во Влада за истото треба да си склучи Договор, исто како и секоја друга институција во Македонија“, рекоа од Град Скопје

Би можело да ве интересира

Талат Џафери стави потпис-си дозволи да се вози во службено возило уште една година

Муцунски: Ќе се залагам за градење и одржување силни и цврсти односи со сите значајни меѓународни партнери

A1on

Љутков: Очекувам гласање за новата влада во Собранието околу 20 или 22 јуни

A1on

Џафери во чест на Курбан Бајрам: Солидарноста ја облагородува душата и му дава вредност на животот

Во вторник во Собрание ќе биде доставен составот на новата влада

(ФОТО) Змии врие, а кејот на Вардар како џунгла, висока трева и грмушки – од Град Скопје без одговор кога и дали ќе косат