Двесте војници на АРМ ќе ги возат министрите на ОБСЕ

Од:

Двесте војници се ангажирани како возачи кои ќе ги возат делегациите на повеќе од 70 министри за надворешни работи на Самитот на ОБСЕ во Скопје.

Војниците од АРМ поминале специјални курсеви во Министерството за внатрешни работи поради стандардите на ОБСЕ за вакви настани.

Министерството за надворешни работи за потребите на самитот склучи рамковен договор од околу 900.000 евра за изнајмување на автомобили за возење на дипломатите, но според Османи, тие пари ќе почнат да се трошат откако ќе се исцрпат сите можности со ангажирање на возила од институциите и министерствата.

– Во однос на возилата, сите стандарди се утврдени и мора да имаме обезбедено возило за секоја делегација. Договорот е рамковен и утврдена е цена по возило и по ден, а министерството нема обврска да ги користи сите возила, туку само ако има потреба и откако ќе ги исцрпиме сите возила од Службата за општи работи и министерства. Агенциите беа комуницирани и имаше само една понуда за жал, но тоа прашајте ги нив, ние имавме законска процедура и цените ги утврдува понудувачот – објасни министерот Османи.

Договорот склучен во два дела е веќе објавен на електронскиот систем за јавни набавки, а компанијата „АБЦ Рент а кар турс ДООЕЛ Скопје“ ја понуди најниската цена за изнајмување на автомобили за министерскиот совет на ОБСЕ со кое годинава претседава Македонија.

Според рамковниот договор, изнајмување на комбиња за осум патници и на минибус за 20 патници ќе чини дневно по 19.200 денари без ДДВ, односно до 29.000 денари на ден за ВИП автомобил кој според спецификациите на ОБСЕ треба има минимална ширина од 1.820 сантиметри и минимална должина од 4.767 сантиментри, зафатнина од минимум 1.600 кубици и моќност од најмалку 120 коњски сили. Ова возило мора да биде црно и да не е постаро од 2014-та година, пишува во јавната набавка.

Би можело да ве интересира

МНР го осуди нападот врз цивилите во Газа: Ова е кршење на меѓународното право

Орце Костов

АП: На Украина очајно и требаат нови војници

МНР: Ниту едно ДКП нема инструкции да доставува ноти до земјите на акредитација

Горан Наумовски

МНР: Има доволно патни листови во дипломатско-конзуларните претставништва, издавањето е без надомест

Горан Наумовски

30 евра чини патниот лист за граѓаните со неважечки пасош кои треба да се вратат во Македонија

Орце Костов

Џафери за разрешувањето на Меџити и Алиу: Законски не може да има два опозициски субјекта во Владата

Орце Костов