Во албанското туристичко место Шкемби и Кавајес, две македонски државјанки се тешко повредени вчера попладне кога биле удрени од возот кој сообраќал на релација Тирана – Елбасан.
Несреќата се случила во момент кога двете Македонки, на возраст од 45 години, минувале преку шините.
– Од ударот на патничкиот воз со тешки повреди, фрактури по целото тело се здобиле македонските државјанки Славинка Нитрова и Лука Нитроши. Во тешка состојба во Воената болница во Тирана е пренесена Нитрова, додека Нитроши е хоспитализирана во блницата во Драч, стои во соопштението од полицијата.
Според дежурниот лекар во болницата во Драч, Нитроши е надвор од животна опасност. Извршен е увид на местото на несреќата за да се утврдат причините. Двете жени биле на летен одмор во Драч.