Две години и три месеци затвор за возачот кој усмрти дете на „Пластичарска“

Од:

Казна затвор од две години и три месеци пресуди судијката Марија Клетничка за 21. годишниот Шукри Зеќири од Скопје, кој на 12 октомври годинава, на булеварот „Никола Карев“, на делот познат како „Пластичарска“ во Скопје удри десетгодишно дете кое почина на лице место, а тој веднаш избега.

„Согласно законот, предвидена е казна затвор од 1 до 5 години, па судот одредува казна од 2 години. Сторил уште едно дело, „неукажување помош на лице повредено во сообраќајна незгода, за кое дело е предвидена парична казна или казна затвор до 1 година, па судот му одредува казна затвор од 6 месеци. Судот обвинетиот Шукри Зеќири го осудува на единствена казна затвор од 2 и 3 месеци. Во казната му се засметува и времето поминато во притвор“, кажа судијката Клетничка.

Тој возел со 76 километри на час, односно 26 километри на час повеќе отколку што е дозволено. Освен затворската казна, Зеќири доби и забрана за управување со моторно возило во период од три години, а времето поминато во затвор не се смета во казната. Мерката куќен притвор ќе му продолжи до правосилност на пресудата.

Зеќири претходно го призна делото, а кажа дека избегал од страв да не биде тепан.

Би можело да ве интересира

Иран: Во израелскиот напад врз затворот „Евин“ загинаа над 70 затвореници

Пресуда за убиствата на Вања Ѓорчевска и Панче Жежовски на 25 јуни

Пожар избувна во затвор во Сплит, седум лица завршија во болница

Лишен од слобода криминалец од Штип за доиздржување затворска казна од 11 години и осум месеци

Предраг Петровиќ

Уапсен е осмиот затвореник кој избега од затвор во Њу Орлеанс, уште двајца се во бегство

МВР со детали за сообраќајната несреќа на новиот експресен пат Прилеп – Градско