Две лица вчера попладне на автопатот Скопје-Тетово физички нападнале возач на камион од Србија, соопшти МВР.
„На 08.04.2021 во 16.09 часот во СВР Скопје било пријавено дека на автопат Скопје-Тетово, пред наплатна рампа „Глумово“, две лица кои биле со патничко возило „мерцедес“, физички го нападнале М.С.(50) од Р.Србија, кој управувал товарно возило „ман“, со српски национални ознаки, а потоа со метален предмет го оштетиле стаклото на неговото возило,“ се вели во полициското соопштение.
За настанот е запознаен Јавен обвинител и се преземаат мерки за расчистување на случајот, додаваат од МВР.