Дураки до Заев: Поднесувам оставка, моето раководење ќе остави траен белег

Од:

Садула Дураки поднесе оставка на функцијата министер за животна средина и просторно планирање бидејќи е предложен за министер во новотo министерство за политички систем и односи меѓу заедниците.

Во оставката упатенa до премиерот Заев, Дураки вели дека во време на неговото раководење со министерството за животна средина биле спроведени многу проекти кои ќе остават траен позитивен белег во зачувување и унапредување на животната средина.

„Морам да истакнам дека изминатиот период додека ја извршував функцијата се соочивме со најголемите предизвици за зачувување и унапредување на животната средина. Според сегашната состојба некои од тие предизвици успешно ги надминавме. Јас и мојот тим во изминатиот период макотрпно работевме и го вложивме целото наше знаење и способност во решавање на проблемите, но некои проблеми бараат долгорочен и системски пристап. Не би сакал да звучам нескромно, но многу мали и големи проекти спроведени од страна на Министерството, во време на моето раководење со истото, ќе остават траен позитивен белег во зачувување и унапредување на животната средина.“, се наведува во писмената оставка на Дураки.

Тој додава дека министерството располага со стручен кадар кој несебично ќе се вложи и ќе му помогне на новиот тим да креира и да ги спроведува политиките во животната средина и просторното планирање.

На крајот Дураки вели дека ќе му биде чест и задоволство да биде дел од новото министерство, каде што несебично ќе придонесе за успешно чекорење на државата кон Европските интеграции.

Би можело да ве интересира

Заев на состанокот на ПЕС: Ќе ги задржиме сите работни места, време е за европска солидарност

Ана Ололовска

(ВИДЕО) Заев: Товарот од кризата треба да го понесме заедно за побрзо да ги санираме последиците

Ана Ололовска

(ВИДЕО) Заев: Политичките партии сами да одлучат дали ќе се откажат од парите за годинава

Ана Ололовска

Заев: За дел од граѓаните помош од една минимална плата, се запира и извршувањето додека трае кризата

Мери Јордановска

Заев се сретна со амбасадорот на Грција во Македонија, разговарано за НАТО, коронавирусот, мигрантите

Ландов

Заев: Несериозно е сега да зборуваме за одложување на изборите, најважно е здравјето на граѓаните

Габриела Димковиќ-Мишевска