Зошто Владата одбива да го донесе Законот за Рестриктивни Мерки, кој спречува лицата санкционирани од САД и ЕУ да имаат пристап до политичкиот живот и јавните ресурси? Овој закон не е избор, туку неопходност, велат од ДУИ.
– Одбивањето или одолговлекувањето на неговото донесување отвора сериозни сомнежи за мрачни влијанија и заштита на интересите на олигарсите. Јавноста бара јасни одговори: За кого работи Владата? За граѓаните, или за своите спонзори и привилегирани олигарси? Рестриктивните мерки се тест за интегритетот и решителноста за праведна и европска иднина. Секое одложување е чин на предавство кон граѓаните на оваа земја, се вели во соопштението од партијата.