Верувале или не, Закон предложен од Владата не доби подршка во Собранието. По острата дебата, коалицискиот партнер ДУИ гласаше против, а опозицијата беше воздржана.
ВМРО-ДПМНЕ без ДУИ , немаше мнозинство за да се изгласа зконот.
Барањето на пратениците од опозицијата беше преку амандман да се овозможи поголема транспарентност на доделувањето на субвенциите .
Опозицијата укажа на низа примери за притисок и нетранспарентно и незаконско доделување на субвенции.
Ден по завршувањето на првата надзорна расправа за земјоделство, во Факултетското земјоделско стопанство Трубарево , министерот испратил инспекција. Овој случај на надзорната расправа беше посочен како пример за исполнување на сите услови за добивање на субенции но и покрај тоа три години по ред никако да ги добие парите. Зборувајќи за измените на Законот за земјодeлство и рурален развој, обвини вчера пратеникот од СДСМ Горан Сугаревски
„Наместо на Факултетското земјоделско стопанство да му се исплатат тие 200. 000 евра, колку што до сега требало да добие и за кое има судско решение, вие министре му пративте утредента инспектори. Што е ова заплашување, начин на дисциплинирање на земјоделците и агробизнисмените“,праша Сугаревски.
Министерот се огради од нападите на негова адреса со образложение дека одлуката кој и колку пари ќе добие зависи единствено од Агенцијата за финансиска подршка на земјоделството и руралниот развој
„Министертвото дава само на барање на апликантите издава потврда за платени давачки кон државата. Не сум јас тој што испратил инспекцијата во Факултетско стопанство Трубарево, бидете сигурни во тоа “, му одговори министерот за земјоделство шумарство и водостопанство Љупчо Димовски.
ВМРО-ДПМНЕ, пак обвини дека СДСМ ги злоупотребува земјоделците и дека во нивно време немаат ништо направено. Откога е владата на Груевски само од субвенциите за тутунот во општина Прилеп влегуваа 40 милиони евра, се пофалија пратениците на ВМРО-ДПМНЕ.