ДУИ се огласи со соопштение по повод обвинението за обид за рушење на државниот поредок и шпионажа од страна на четири лица вклучително и лидерот на опозицијата Зоран Заев.
Во соопштението стои:
„Демократската Унија за Интеграција во континуитет ја има потенцирано ургентната потреба за подигнување на интегритетот и независноста на судството и обвинителството како и транспарентното и објективно спроведување на судските процеси, особено на оние со меѓуетнички, меѓуверски и политички карактер.
Државните институции вклучувајќи го судството и обвинителството, треба да пристапат кон овој случај со полна транспарентнoст и интегритет и почитување на презумпцијата на невиност на обвинетите.
Исто така сметаме дека овие стандарди треба да се применуваат и во секојдневната работа на државните институции,особено на тие кои ги засегаат меѓуетничките односи.
Во оваа исклучително важна година за нашата земја, ДУИ ги повикува сите политички партии и другите општествени чинители, да демонстрираат целосна одговорност кон демократијата, меѓуетничките односи и интегративните процеси, а имајќи ја впредвид и ранливоста на демократските процеси во земјата, сметаме дека и меѓународната заедница треба да се вклучи со должно внимание за градење на одржливи демократски стандарди во земјата.“