ДУИ пред одлука дали ќе ги напушти министерските места

Од:

Демократската унија за интеграција треба да излезе со одлука дали ќе ги напушта министерствата со кои раководи, со што би се прекинала целосно коалицијата со ВМРО-ДПМНЕ во која влегоа во 2014 година. Извори од ДУИ брифираат дека одлуката најверојатно ќе се донесе утре, кога се очекува да завршат дебатите на Централното претседателство на партијата.

Портпаролот на ДУИ, Бујар Османи во петокот кажа дека во оставките го гледаат најбрзиот начин да се деблокира Собранието, чија конститутивна седница утре ќе го добие своето осмо продолжение.

-Постои дебатата дека со напуштање на институциите од страна на ДУИ ќе се деблокира состојбата. Од тука, ќе се земат во оптег сите варијанти за да се олесни формирањето на новите институции. Оставка на една третина од министрите според закон и Устав значи паѓање на владата, меѓутоа има контра аргументи дека и паѓање на влада значи останување на функција се до именување на нова влада, рече Османи во петокот.

Одлуката пред која се наоѓа ДУИ не ја коментираат македонските партии. Сепак, според некои политичари од ВМРО-ДПМНЕ, тоа не би променило ништо бидејќи техничката влада и онака е во оставка.

Александар Тодески

Би можело да ве интересира

Мицкоски на средба со Дрекслер: Заложбите на Владата на ВМРО-ДПМНЕ се евроинтеграциите, економски развој и борбата против корупцијата

А1он

„Владата дава 100 евра по жител за растеретување на инфлацијата“: Се шири нов линк за измама на граѓаните

Орце Костов

Ставот за прегласувањетo на одредени избирачки места ДУИ ќе го формира со коалициските партнери од Европски фронт

Можното прегласување на седум избирачки места е тема на вонреден состанок на претседателството на ДУИ

Европски фронт: Дали „Вреди“ се согласиле со ВМРО за ревизија на Коридорот 8

ВЛЕН: ДУИ е во паника, изјавите им се притисок врз Управниот суд