Демократската унија за интеграција (ДУИ) објави победа на денешните локални избори во Кичево и во Пласница.
– Во вториот изборен круг ДУИ ќе се бори за градоначалнички места во Тетово и во скопски Чаир, во конкуренција со БЕСА, во Гостивар во конкуренција со Алијансата за Албанците, како и во Сарај, изјави вечерва Фатмир Бесими од ДУИ.
Според Бесими, ДУИ на изборите освоиле над 100.000 гласови и останува најголема политичка партија на Албанците.