Пратениците на ДУИ нема да гласаат за техничките министри од ВМРО-ДПМНЕ зошто опозицискиот лидер Христијан Мицкоски претходно кажа дека Талат Џафери не ја заслужува поддршката на ВМРО-ДПМНЕ за технички премиер и во интерес на добрата атмосфера и демократскиот процес, партијата би се воздржала од гласање, потврдуваат извори од ДУИ.
Денеска пак, премиерот и претседател на СДСМ, Димитар Ковачевски кажа дека доколку ВМРО-ДПМНЕ не гласа за техничката влада предводена од Џафери, тогаш местата кои и следуваат на опозицијата треба да останат празни додека партијата не се премисли и гласа за таа влада.
Тој го повика идниот мандатар Џафери да направи влада во која министерските и дополнителните заменички министерски места ќе останат празни, а кога ВМРО-ДПМНЕ ќе одлучи да ја поддржи техничката влада, тогаш да се вметнат нивните министри.