ДУИ ја поддржува работата на Специјалното јавно обвинителство, изјави за Алсат- М потпретседателот на партијата Беким Незири.
„ДУИ ја поддржува работата на Специјалното обвинителство. Ја користам приликата да апелирам до Специјалното обвинителство да работи во согласност со законите во Република Македонија. Исто така апелирам до сите политички партии во Македонија без разлика дали се македонски или албански политички субјекти, да не ја искористуваат работата на Специјалното обвинителство за дневно политички настани. Ние стоиме зад секоја одлука која ќе биде донесена согласно со законите во Република Македонија на Специјалното обвинителство“, рече Беким Незири-потпретседател на ДУИ.
„Секој случај кој ќе го покрене Специјалното обвинителство, базиран врз аргументи и факти, ние ќе го поддржиме“, додаде Незири, прашан за ставот за евентуалното процесуирање на случајот Маѓар Телеком.