Демократскиот сојуз, денешната расправа во Советот на јавни обвинители, за работата на специјалниот јавен обвинител, ја оценува како груб притисок и обид за блокада на работата на Специјалното јавно обвинителство и повикува на воздржаност од сите партии.
Според ДС, разрешување на специјалниот јавен обвинител Катица Јанева со измислени и фабрикувани наоди е невозможна работа, бидејќи таа има мандат утврден со Законот за јавно обвинителство за гонење на кривични дела поврзани и кои произлегуваат од содржината на незаконското следење на комуникациите.
– Парламентот е гарант за независноста на специјалниот јавен обвинител, и попусто се обидите на Советот за јавни обвинители да го дискредитира и да се наметне како институција која ќе диктира како треба и што треба да работи Специјалното јавно обвинителство, велат од партијата.