Државниот завод за статистика ќе ги тужи Мицкоски и ВМРО-ДПМНЕ поради клевета

Од:

Директорот на Државниот завод за статистика преку соопштение извести дека ги демантира изјавите на лидерот на ВМРО-ДПМНЕ, кој кажа дека Државниот завод за статистика фабрикува извештаи по нарачка на Владата.

„Државниот завод за статистика е професионална и независна институција, чија што работа е под постојан мониторинг и евалуација на Евростат, додека пак економските и монетарните статистики истовремено се и под мониторинг на ММФ. Поради изнесените клевети, Државниот завод за статистика ќе поднесе тужба за клевета до Христијан Мицкоски и до ВМРО-ДПМНЕ.

Понатаму, во однос на Пописот на население, домаќинства и станови, Државниот завод за статистика информира дека, согласно воспоставената меѓународна пракса и искуство, пописните и изборните активности не можат да се одвиваат паралелно. Во таа насока, Државниот завод за статистика ќе даде предлог до Министерството за правда, кое е официјален предлагач на Законот за попис на население, домаќинства и станови, периодот на спроведување на Пописот да се пролонгира за април 2021 година, а Законот за Попис на население, домаќинства и станови да биде донесен пред формирање на техничката Влада.

Воедно, Државниот завод за статистика изјавува дека е подготвен за разгледување на можностите за усогласување на сите отворени забелешки поврзани со Пописот со сите релевантни чинители во државава“, се вели во соопштението.

Би можело да ве интересира

(ВИДЕО) Мисајловски: Заев збореше за измислени достигнувања на денот кога имаме најмногу заразени и починати, изборите сега се лудост

Ана Ололовска

(ВИДЕО) Стојаноски: Заев потфрли, Комисијата за заразни болести ги стави партиските интереси пред здравјето на граѓаните

Ана Ололовска

ВМРО-ДПМНЕ: Заев не смее да игра „ол ин” и да се коцка со здравјето и животот на граѓаните

Ана Ололовска

(ВИДЕО) Арсовски: Спасовски повика на избори на 5 јули во деновите кога се достигнува пикот на заразата

Ана Ололовска

(ВИДЕО) Николов: Комисијата за заразни болести работи под диктат на Заев

Ана Ололовска

(ВИДЕО) Стојаноска: ЈО со своето неделување во 2018, му овозможило на Дончев да го стои истиот криминал и во 2019 година

Ана Ололовска