Демократската партија на Албанците соопшти дека внимателно ги следи новите случувања на ситуацијата во Куманово и апелира до граѓаните да останат смирени и во никој случај да не подлегнат на провокации.
ДПА бара од МВР и од другите владини институции кои се вклучени во оваа ситуација, со нивните постапки во никој случај да не ги загрозат животите и имотите на граѓаните.
Партијата апелира до Албанците да не станат дел од сценарија на разни поединци и групи со цели и агенди кои не се совпаѓаат со методите со кои Албанците сакаат да ги решат нивните проблеми.
ДПА го повива меѓународниот фактор итно да интервенира во оваа ситуација, со цел да се спречи понатамошна ескалација на ситуацијата.