По повод 7 мај – Денот на полицијата претставници на Министерството за внатрешни работи на Република Македонија и Секторот за внатрешни работи Тетово денеска го посетија Центарот за деца со посебни потреби во Тетово. Делегацијата што ја предводеше државниот советник во МВР, Муамет Реџепи по овој повод додели клима уред и други средства за работа на Центарот.
– Целта на посетата е на овој начин да ја изразиме нашата поддршка за децата со посебни потреби. Се надевам дека донацијата ќе придонесе за подобрување на условите за работа на оваа институција. Оваа тардиција на одбележување на Денот на полицијата на овој начин ќе продолжи и во иднина, а очекувам и останатите институции да продолжат со поддршката за оваа категорија граѓани, рече Реџепи.
Раководителот на Центарот, Беџет Камбери зрази благодарност за донацијата од македонската полиција.
Центарот за деца со посебни потреби од Тетово секојдневно згрижува 16 деца за кои се грижат двајца дефектолози, четири медицински сестри и еден социјален работник.