Во решенијата на Апелација за мерката притвор за Горан Грујовски, Тони Јакимовски и Никола Бошковски стои дека осомничените за кои е поднесено обвинение за случаите „Таргет и Тврдина“ имаат право на жалба до Врховниот суд.
Доколку обвинетите упатат жалба до Врховниот суд за мерката притвор која им беше одредена вчера од Апелациониот суд по жалбата на СЈО, притвор најверојатно нема да има. До Врховниот суд сè уште нема пристигнато жалби за одлуките за притвор.
Поделени се мислењата за тоа дали жалбата го одлага извршувањето. Законот за кривична постапка пропишува дека по одлуката на првостепениот суд, одлуката за притвор станува извршна и жалбата до Апелација не го одложува извршувањето, но не е пропишано што во ваков случај по поднесена жалба на одлуката на второстепениот суд.
Виктор Јованов