Судот незаконски пред правосилноста на Решението за притвор против осомничениот Сеад Кочан издал наредби за притворање и за издавање потерници што претставува флагрантно прекршување на принципот на владеење на правото, вели адвокатот Никола Додевски.
Во неговото соопштение е наведено дека Кривичниот совет при Основниот суд Скопје 1 сторил незаконитост и без законска основа навел дека жалбата не го задржува извршувањето на решението за определување мерка притвор.
Врз основа на таква незаконитост Првостепениот суд издал наредби за притвор и за издавање потерници на осомничениот Сеад Кочан уште пред решението да стане правосилно.
За Решение со кое што Кривичниот Совет на Првостепениот суд определува мерка притвор не е поинаку определено со закон туку во законот воопшто не е предвидено дека жалбата не го задржува извршувањето на решението со кое кривичниот совет определил мерка притвор, пишува адвокатот на Сеад Кочан во своето соопштение.