До крајот на денот ќе се знае дали БЕСА ќе биде дел од новата влада

Од:

Иако денеска требаше да бидат познати имињата од кабинетот на новата Влада, извори од БЕСА за А1он велат дека се уште чекаат одговор од СДСМ на нивните барања кои тие им ги испратиле писмено.

Сепак, велат од таму, бидејќи преговорите се водат многу динамично можна е средба помеѓу лидерот на СДСМ, Зоран Заев и лидерот на Движењето БЕСА, Билал Касами, по што конечно ќе се знае дали партијата ќе биде дел од Владата на Заев.

– Нашите барања ги предадовме во писмена форма, чекаме да анализираат и да ни дадат одговор. Иницијативата за средба треба да биде од СДСМ. Може да се очекува се, велат од БЕСА за А1он.

Извори од СДСМ за А1он велат дека е мала можноста денеска до Собранието да се достави предлог за владин кабинет и владина програма, но отворена е можноста тоа да се случи и викендов.

Мандаторот Зоран Заев вчера во Брисел изјави дека веднаш по враќањето во Македонија продолжува со преговорите за состав на новата Влада. Тој кажа дека со БЕСА разговарале само за ресори, но не и за имиња.

Александар Тодески

Би можело да ве интересира

(ВИДЕО) Филипче: Македонскиот јазик е нашиот идентитет и никој не може да ни го одземе

А1он

(ВИДЕО) Филипче: Ако Делчев кажал дека сме поделени како нација, ние тоа го сведочиме и денес, повеќе од еден век подоцна

Горан Наумовски

(ВИДЕО) Дали Венко Филипче му се восхитува на Заев за грабежот кој го направи?

СДСМ: Делницата Тетово – Гостивар ја разоткри целата хипокризија, дволичност и лицемерие на ВМРО-ДПМНЕ

ВМРО-ДПМНЕ: Граѓаните не може да очекуваат ништо од СДС, ниту од Филипче, кој сака да биде „втор Заев“

Горан Наумовски

Владата на ДПМНЕ се фали со проекти на СДСМ, велат од опозициската партија

А1он