Во скопскиот Кривичен суд денеска до 15:00 часот пристигнати се вкупно 62 барања согласно Законот за амнестија, од кои 27 во одделението за Организиран криминал и корупција и 35 во одделот Кривично полнолетни.
– Согласно Законот за амнестија за настаните од 27 април 2017 година во Собранието на Република Македонија, ја информираме јавноста дека денеска до 15:00 часот, во Судот се пристигнати вкупно 62 барања согласно Законот за амнестија од кои 27 во одделението за Организиран криминал и корупција и 35 во одделот Кривично полнолетни, се наведува во соопштението од Судот.
Оттаму напоменуваат дека рокот за поднесување важи и денеска и дека ќе бидат земени во предвид и барањата кои во законски утврдениот рок ќе бидат дополнително доставени до Судот по пошта.