Дневниот весник „Дневник“ од денеска почнува да се печати целосно во боја.
„Денеска е голем ден за македонското новинарство. Од денеска „Медиа принт Македонија“ врти нова страница во печатените медиуми. Ова е голем ден за нас, особено за „Дневник“ бидејќи денес излегува 5.000. број на најчитаниот и највлијателниот дневен весник во земјава.
– Од денеска, „Дневник“ за иста цена на читателите им нуди поголема вредност, ќе излегува целосно во боја и со тоа е првиот дневен весник во Македонија што целосно е отпечатен и дистрибуиран во боја“, рече на денешната конференција за печат извршниот директор на „Медиа принт Македонија“ Виктор Доневски.
Првиот број на „Дневник“ излезе на 20 март 1996 година, а го основаа македонските новинари Миле Јовановски, Бранко Героски и Александар Дамоски.