Директорот на Охридската болница го правда секретарот: Да не објавеше сам, немаше да знаете

Од:

„Не знам зошто се направи толку голема работа од овој случај, станува збор за само една вакцина, човекот да не си објавел самиот на Фејсбук никој немаше да знае и да прави проблем“, вели директорот на Охридската болница Горан Балески.

Тој тврди дека секретарот Антонио Наумоски, и покрај тоа што не е медицинско лице како што беше наложено од Министерството за здравство, се вакцинирал оправдано бидејќи постојано помагал на пациентите заразени од ковид-19.

„Јас да можам цела болница ќе ја вакцинирам, таа е многу важна за Охрид и охриѓани“, вели Балески.

Тој објаснува дека кога требало сите помагале при разнесувањето на боци со кислород за ковид пациентите.

„Јас минатава година имам направено стотици операции и прегледи на ковид пациенти, но кога треба сум влегувал и во комбето за превоз. Еве некни шоферот не можеше, па јас возев“, вели Балески.

Претходно, по објавата дека административен работник се вакцинирал во Охридската болница, министерот за здравство Венко Филипче ја осуди злоупотребата на приориртетите за вакцинирање согласно Националниот план за вакцинација.

„Ниту едно лице кое не се наоѓа во групата која во моментов има приоритет за вакцинирање, а тоа се само здравствените работници кои работат во Ковид центрите и со ковид пациенти не смее да се вакцинира. Листите за вакцинација беа доставени од страна на директорите на секоја здравствена институција и истите уште утре веднаш ќе бидат ревидирани, а оние кои направиле злоупотреби ќе бидат соодветно санкционирани“, реагираше министерот Филипче.

Би можело да ве интересира

Костадиновска-Стојчевска: Ги исполнуваме препораките на УНЕСКО и заеднички овозможуваме трајна заштита на Охридскиот регион

Мониторинг-мисијата на УНЕСКО на проценка во Охрид

Кражбата во средното училиште во Охрид ја извршила ученичка

Стоилковски: Непотизам во Охрид, роднината на Зечевиќ главен кадровик на СДС во општината

Катерина Ѓуровски

Ученици од прва до четврта година принудени да плаќаат за наметки и капи за матурантите

Орце Костов

Левица: Јавните претпријатија повторно во загуба иако ги покачија цените врз грбот на охриѓани