Директорот на агенцијата за млади и спорт, Марјан Спасески денеска дојде во официјална посета на еден од работните денови на петдневното информатичко дружење Информатијада 2014.
Тој ги посети спортските активности кои се дел од Информатијадата и самиот се увери во спортскиот карактер кој е еден од симболите на овогодинешната манифестација.
Фудбал, ракомет, кошарка, одбојка се само дел од спортовите кои оваа година се дел од спортската програма на Информатијада.
– „Ми беше навистина голема чест да присуствувам на овогодинешната Информатијада која оваа година за првпат се одржува во Република Македонија, а на која учество земаат над 400 студенти од нашата држава и регионот. Она што е навистина значајно е фактот што покрај официјалниот работен дел со едукации и натпревари, студентите можат и да се натпреваруваат во неколку спортски дисциплини и практично да го поттикнат физичкиот развој и здравјето кај младата популација. За пофалба е тоа што овие млади даваат пример за останатите како преку учењето може да се промовира здравиот начин на живот и спортувањето како многу важен дел од развојот на младите.“ – изјави Спасески.
Директорот освен што посети еден од спортските натпревари, тој самиот се увери во убавата атмосфера на хотелот Десарет во која младите информатичари наредните денови ќе продолжат да ги покажуваат своите способности во науката и спортот.