Директорка на скопско училиште јавно праша астролог дали ќе добие втор мандат: Тоа нема поврзаност со мојата работа

Од:

По еден час следење на емисија за астрологија, директорката на ООУ „Аврам Писевски“ во Бардовци, Матилда Бајкова, прашала дали ќе добие уште мандат. Нејзиното прашање не било одговорено од страна на астрологот Мирјана Мирковиќ. „А1он“ исконтактира со Бајкова, која освен директор е и професор по македонски јазик и литература. Таа вели, дека прашањето го поставила од забава, а во астрологија не верува иако сака да слуша и чита за неа.

„За забава, во слободно време никој не може никого да обвини. Тоа нема никаква поврзаност, ниту пак штета на она што се работи како работа. Секој има право да се забавува на свој начин. Со другарка ми, сакаме и читаме хороскоп, астрологија. Нѐ интересира. Во моментот, рековме, што да прашаме во живо е, па ми вика, ти имаш втор мандат, јас и реков: „смешно е тоа да го прашувам, јас сум остварен човек“, на што ми рече: „абе ајде, баш ме интересира што ќе ти кажат“. Нормално, не го добив одговорот. Тоа е забава, астрологијата е нешто што секојдневно го читаме“. Вели Бајкова за „А1он“.

Таа смета дека се прави сензација од нејзиното прашање, но и дека се смешни пишувањата.

„Од она што го работам и од она што го имам како резултати до сега, јас имам потполно право, како и секој што ги исполнува условите, да се кандидирам. Очекувам поддршка од родителите, сама за себе, училиштето, клиентите, учениците, четири години ја имам“, додава таа.

Директорката Бајкова која ќе се кандидира за втор мандат, посочи дека читала и дела кои се поврзани со астрологија, бидејќи ѝ биле интересни.

„Чиста забава, не знам зошто толку фама се направи“, посочи Бајкова.

Инаку, Матилда Бајкова има добиено и признание за Меѓународниот ден на учителот, за „Просветен работник на годината за постигнати врвни резултати во остварувањето на целите и задачите на воспитно-образованата дејност за учебната 2016/2017“.

Би можело да ве интересира

Започна полагањето на државната матура во учебната 2021-2022 година

Ана Ололовска

Нема договор, преговорите помеѓу СОНК и МОН продолжуваат за уште 10 дена

Ана Ололовска

Шаќири: Покачување на платите ќе има, најдобар интерес е учениците да се вратат на настава

Ана Ололовска

МОН: Настава мора да се организира и за време на штрајк

Ана Ололовска

МОН: Се изработува Стратегија за паметна специјализација за модерен пристап и економски напредок на државата

Ана Ололовска

Шаќири: Нема огромен број на позитивни случаи на наставници и на деца

Ана Ололовска