Министерот за надворешни работи на Република Македонија, Никола Димитров, денеска и утре ќе престојува во работна посета на Вашингтон, САД, каде што ќе има повеќе средби со претставници на американската администрација, Конгресот и тинк-тенк заедницата.
Како што соопшти МНР, Димитров утре ќе се обрати на трибина посветена на иднината на Македонија и Југоисточна Европа, организирана од Атлансткиот совет на САД.
На покана на државниот секретар на САД, на 6 февруари, во Вашингтон, делегација на Република Македонија ќе учествува на Министерскиот состанок на Глобалната коалиција за борба против ИСИС. Тема на состанокот ќе бидат резултатите од повеќегодишните напори и соработката во рамките на Коалицијата за борбата против ИСИС во Ирак и Сирија, како и за идните чекори за стабилизација и одржување на мирот во регионите кои биле претходно зафатени од делувањето на ИСИС.