Државната изборна комисија (ДИК) на денешната седница ги отфрли сите 2.142 приговори поднесени од партиите за предвремените парламентарни избори.
За 1.478 приговори од вкупно 1.982 поднесени од Левица, членовите на Комисијата утврдија дека тие немале потпис од овластениот претставник и дека истите немаат печат од подносителот на листата.
За останатите 504 приговори членовите на ДИК заклучија дека тие не се поткрепени со докази и дека текстот во образложението е ист за сите нив.
Во врска со приговорите на Алијансата за Албанците и на Алтернатива исто така беше оценето дека не се поткрепени со докази, како и на Демократи, на СДУ, на Интегра, МОРО Работничка партија и на ВМРО-ДПМНЕ.
Партиите имаат право за овие одлуки на ДИК да се жалат до Управниот суд.