Девојчето се качило на креветот да земе играчки, ова го налутило таткото кој крвнички тепаше 4-годишно дете

Од:

Јавен обвинител од Основното јавно обвинителство Скопје целосно ја заврши постапката, ги прибра сите докази и до Основниот суд во Скопје достави обвинение против едно лице за кривично дело – Телесна повреда од член 130 став 2 во врска со став 1 од Кривичниот законик.

Обвинетиот, на 21 јуни, вршејќи насилство во семејниот дом во населба Драчево, телесно ја повредил неговата малолетна ќерка родена во 2021 година.

Додека мајката приготвувала јадење, а оштетеното дете си играло со нејзините сестри, во еден момент се качило на креветот во дневната соба за да ги земе играчките. На тоа обвинетиот се вознемирил и започнал да му се обраќа на детето со груби навреди. Потоа започнал да манифестира и физички насилно однесување кон оштетеното дете, удирајќи ја ќерката со шлаканици по лицето. На тој начин и нанел телесни повреди – набиеници и гребаници со крвни подливи, а продолжил и со вербални закани дека ќе ја убие.

Бидејќи се уште постојат законските основи и околностите кои укажуваат на опасност од бегство и можност обвинетиот да го повтори кривичното дело, јавниот обвинител со обвинението поднесе и предлог за продолжување на претходно определената мерка притвор.

Би можело да ве интересира

Осомничен за илегална трговија со дрога ја искинал наредбата за претрес во неговиот дом

Со нож ја нападнал сопругата, баџанакот, дедото и бабата – двајца повредени завршија во болница

Ја удрил со ретровизор, починала веднаш, возел со 99% слепило и без дозвола

Сопствениците на отпадот во Визбегово што се запали ќе одговараат за загрозување на животната средија

Тетовчанец ја истепал сопругата и двете малолетни деца

Ревизор и го положил испитот за пристап до службени тајни кои потоа му ги кажувала на обвинетиот во „Адитив“, обвинение за Димитровска

Катерина Ѓуровски