Вчеравечер во струмичко се случила тешка сообраќајна несреќа во која тешко е повредена малолетна девојка-сопатничка на мотоцикл „Кавасаки“, кој го возело исто така малолетно девојче.
„На 11.07.2021 во 21.20 часот било пријавено дека на локалниот пат кај с.Дрвош, струмичко, се случила сообраќајна незгода во која малолетничка од с.Дрвош, управувајќи мотоцикл „Кавасаки“, без регистарски ознаки, удрила во запрежно возило, управувано од В.И.(74) од с.Дрвош“, се вели во полициското соопштение.
„Во незгодата, малолетна сопатничка од мотоциклот се здобила со тешки телесни повреди, а со телесни повреди се здобила малолетничката што го управувала мотоциклот, констатирани во Медицинскиот центар Струмица. Извршен бил увид на местото на незгодата од увидна екипа од СВР Струмица.