Ад хок телото кое ќе врши мониторинг врз медиумите во предзборниот период, во среда, ќе го избира петтиот член. Ова е дел од договорот на четирите политички партии.
Четворицата членови се предложени од ВМРО-ДПМНЕ, и тоа Слаѓана Димишковска и Цветин Чилиманов и од СДСМ, Горан Трпеновски и Љубомир Костовски.
Петтиот член треба да биде од албанската заедница и ќе биде избран со консензуд од Димишковска, Чилиманов, Костовски и Трпеновски. ДИУ и ДПА не доставија свои предлози.
На јавниот повик пријавени се Сефер Тахири, Илир Ајдини, Бесмира Ејупи, Даут Даути, Ајат Реџепи, Фатмир Кријезиу, Лулзим Хамиди и Јосиф Џочков.
Против ваквиот состав и избор се огласија новинарските здруженија.
